عنوان :تورکه داوا

 -باغا یارپاغی: آچیق یارانین اوستونه باغلاردیلار و اونون چیرکینی چکردی.-باغا: باغانین اؤلوسون تندیره آتیب یاندیریللار و باباسیلی اولان تندیرین آغیزیندا اوتورور.-پینتی گولو: گون یولداشینین آغ گولونه دئییللر. بونون چایین دملیییب ایچیللر، بئل آغریسینا و سوموک آغریسینا خئییردی.-چرت مه: اوشاق نظر اولاندا و بؤیوک آدامادا سویوق دگنده، بئلین تییغا یا اولگوج له چرتیب اوووب سونرا اوستونه کوپه قویاردیلار. دئیه ردیلر او بدنین میندار قانین چکیر.-سانجی گولو: دملییب ایچیللر، سانجی نی توخدادیر.

-قارا قایتارما(بیتگی): یارانین اوستونه باغلاردیلار، یارانین چیرکین، آغریسین، آجیسین چکردی.-کوپه گؤتورمه: قابیرغا باتاندا، قیمیج اولاندا، بئل آغرییاندا، باش آغرییاندا، بارداق یا استیکانلا کوپه گؤتوروللر توخدادیر. بیر تیکه اسکی نین ایچینه کول ییغیب اونون اوجلارینی بیر یئره توپلاییب پیلته کیمین باغلیییللار. اونون اوجونو نئفته باتیریب یاندیریللار و آغری اولان یئره قویوللار و بارداق یا ایستی کانی اونون اوستونه قویوللار. اوت یاندیقجا بارداق اَتی سومورور و اوت سؤنور. بیر نئچه دیقه بئله قالیر سونرا بارداغی گؤتوروللر.

-کهلیک اوتو: چایین دملیییب ایچه للر، معده یه خئییری وار.-گیلدیک: چایین دملیییب ایچه للر، آدامی تئز-تئز چؤله آپاریر و بؤیره گین و سولوغون ایشله مه سینه خئییردی.-نانا: اوووب آیرانا آتاللار معده یه خئییری وار.-هه مه کؤجو: اونو بیشیریب یئمه و چیگ یئمه قانین یاغینی اینانیلماز آزالدیر.

منبع : موغان آنایوردوم سنده نه لر وار ؟

تاریخ به روز رسانی:2008-10-15

نویسنده مطلب:

آرشیو مقالات